🔁 Білімді бекіту

Практикалық тапсырмалар

§17. Экологиялық амплитудасы және климаттық бейімделу ерекшеліктері

Студенттің аты-жөні: *

Тобы және Күні: *

1-тапсырма. 🖥 «Экологиялық диапазонды тап»

📌 Тапсырма шарты

QR код арқылы платформаға өтіп, Juglans nigra L. түрінің негізгі экологиялық факторларға қатысты төзімділік шектерін талдаңыз. Әр фактор бойынша берілген үш нұсқаның ішінен осы түр үшін оңтайлы жағдайды, субоңтайлы жағдайды және шектеуші жағдайды анықтаңыз.

Тапсырманы орындау барысында түрдің экологиялық амплитудасын, яғни оның белгілі бір орта жағдайында тіршілік ету, өсу, даму және көбею қабілетін ескеріңіз.

Берілетін факторлар:

температура;
ылғал;
жарық;
топырақ аэрациясы.

2-тапсырма. 🎧 «Экологиялық амплитуда деген не?»

Тапсырма: Тыңдау барысында:

1. Juglans nigra L. үшін қай факторлар оптимум аймағын анықтайтынын жазыңыз.

2. Неліктен бұл түрді толық эвривалентті деп атауға болмайтынын түсіндіріңіз.

3-тапсырма. 💡 Ойлан!

1. Егер Juglans nigra L. ылғалды өзен аңғарларынан құрғақ континенттік аймақтарға көшірілсе, оның анатомиялық және физиологиялық көрсеткіштерінде қандай өзгерістер байқалуы мүмкін?

2. Жарықсүйгіш ағаш түрі неліктен орманның төменгі ярусында табиғи жаңара алмайды?

3. Кең экологиялық амплитуда әрқашан жоғары өнімділікті білдіре ме? Неге?

4. Егер климаттың жылынуы нәтижесінде көктем ертерек басталса, Juglans nigra L. үшін қандай артықшылықтар мен қауіптер туындауы мүмкін?

5. Стресс кезінде фенолдық қосылыстар синтезінің артуы түрдің экологиялық бәсекеге қабілеттілігіне қалай әсер етеді?

6. Камбий белсенділігінің әлсіреуі неге тек өсуге ғана емес, ағаштың болашақ механикалық тұрақтылығына да ықпал етеді?

7. Ұзақ мерзімді көлеңке жағдайында Juglans nigra дарақтарының морфогенезі қалай өзгеруі мүмкін?

8. Физиологиялық пластикалылық пен экологиялық мамандану бір-біріне қайшы құбылыстар ма, әлде өзара толықтырушы қасиеттер ме?

4-тапсырма. 👥 Топтық жұмыс тапсырмалары

Жобалау тақтасы

«Экологиялық профиль құрастыру»

Juglans nigra L. түрінің экологиялық профилін құрастырыңыз. Төмендегі талдау бөлімдерін толтырып, нәтижесінде сызба немесе постер дайындаңыз.

Температуралық амплитуда:

Ылғалдық амплитуда:

Жарыққа қатынасы:

Топыраққа талғамы:

Шектеуші факторлары:

✅ Жоғарыдағы деректер негізінде визуалды постер (немесе сызба) жасап, қорғаңыз.